MEMORIA 2015

Levantamentos temporais informados ao público por mor de exposicións temporais tanto de produción interna como externa.

Movementos de obras da exposición permanente para dinamizar os seus contidos. Ex: na colección de BB.AA. incorporación dunha nova pintura de Felipe Criado na sala 14 e un retrato realizado por Julia Minguillón na sala 16.

Promoción e difusión dos contidos arqueolóxicos do museo apoiando propostas como a II Convención Numismática de Lugo 2015 (maio) ou o proxecto de investigación do MPL adicado aos fondos arqueolóxicos na súa primeira parte.

Incremento de coleccións con novos fondos para o MPL. No departamento de BB.AA. houbo 12 incorporacións (e 3 baixas), no Arquivo/Biblioteca 362, no de Arqueoloxía 46 ingresos e no de Etnografía/AA.DD. 18 altas. (Vid. Gráfico de movementos de pezas: altas e baixas 2015).

Alternancia de fondos na exposición mediante rotación de obras en almacén, aportacións externas e/ou préstamos concretos. Ex.: “Acordanzas” adicada a Xulia Minguillón na súa sala monográfica (16) no mes de abril, donde se misturaron fondos propios en reserva con préstamos particulares, realizado polo Dpto. de BB.AA e coordinado pola Dirección do MPL.

Continuación dos traballos de reordenación das coleccións de arqueoloxía nos almacéns para a optimización dos seus espazos de reserva.

Novas iniciativas para achegar as coleccións aos visitantes: “10 obras senlleiras para visitar no MPL” (1 no verán e outra no Nadal). Elaboración de folleto e comezo da proposta no verán de 2015 e continuación con outro modelo no Nadal coa finalidade de proporcionar información de pezas representativas ou senlleiras para público cun tempo de visita limitado no MPL.

Xestións completas e control dos préstamos condicionados de obras para exposicións temporais externas, incluíndo os permisos correspondentes da Xunta de Galicia para saída temporal de bens mobles. Ex: Saída das xoias de acibeche do s. XVIII colar de Abadesa e Rosario de Abadesa para a exposición “O Camiño. A orixe” na Cidade da Cultura de Santiago de Compostela. Xestións do préstamo doutras catro pezas para exposición temporal no 2016. Retorno do cadro “Cristo atado á columna” do Museo do Prado. Dentro dos préstamos temporais externos de fondos do MPL no 2015 para exposicións temporais non saiu ningunha peza de Arqueoloxía, 2 de BB.AA. e 2 de AA.DD/Etnografía. 

Retorno da colección de ourivería de A. Gil Varela e reacondicionamento expositivo da sala 8.

Retirada de vitrina de imaxinería relixiosa na planta baixa colindante ao refectorio.

Substitución do sistema de suxeicción de obras de pequeno formato na exposición permanente para mellorar a seguridade.

Posta en valor dos fondos de reserva: a través de exposicións temporais, préstamos externos, investigación e/ou publicacións.

Fomento da accesibilidade ás coleccións: Acceso público ás coleccións da exposición permanente e atención personalizada a investigadores e outros usuarios a través dos respectivos departamentos con especial incidencia no número de consultas realizadas e xestionadas. Na atención a investigadores e consultas externas de fondos museográficos no 2015 houbo un total de 88 solicitudes: 45 para o dpto. de Arqueoloxía/Historia, 13 para o de AA.DD/Etnografía e 30 para o de BB.AA. Nese mesmo eido pero para os fondos bibliográficos e arquivísticos houbo un total de 98 consultas na biblioteca e 70 usuarios no arquivo do MPL. 

Ao abeiro do aproveitamento de recursos segue a procederse coa externalización de fondos específicos cunha temática ou discurso concreto a través do préstamo temporal de exposicións xa producidas ou de coleccións en reserva que se ceden condicionadas pero de balde a outras institucións a través do que demos en chamar “Exposicións itinerantes” do MPL. No ano 2015 saíron dúas exposicións do departamento de Etnografía/AA.DD: para o Pazo de Tovar en Lourenzá e para a Feira de antigüidades de Sarria.

Fomento do incremento de coleccións a través de xestións varias para novos ingresos como depósitos ou doazóns principalmente e algunha adquisición como unha escultura de Asorey que finalmente quedou depositada in situ no panteón do cemiterio de San Froilán de Lugo. Coordinación e atención das propostas deste incremento das coleccións en base a informes técnicos.

Asesoramento científico informativo sobre pezas e coleccións para outras actividades internas do MPL. e fomento da colaboración interdepartamental.

Xestións administrativas para o traslado e coñecemento dos movementos de fondos ao Servizo de Patrimonio da Deputación.

Con motivo da doazón de obra por parte da familia do pintor Felipe Criado coincidindo co seu segundo cabodano (novembro) a dirección e a xerencia coordinaron unha xornada de lembranza ao artista despois da propia presentación da obra incorporada á colección permanente de arte galega.

No eido das colaboracións externas acollemos a distintos medios de comunicación para a realización de entrevistas, documentais ou programas de tv. posto que ao mesmo tempo se visualizan os nosos espazos e fondos expostos. Ex.: emisión o 14/12/15 no programa A Revista da TVG reportaxe do libro “Una casa en Amargura” e á súa autora Eliza Vázquez de Gey realizado no claustro do MPL.