MEMORIA 2012
Conservación
San Paio de Narla
Levouse a restaurar:
- Un guantelete de cota de malla
- Unha espabiladeira
- Dous cristos da cociña.
Asi mesmo presentouse un proxecto para a a desinsectación integral do edificio e das coleccións que esta pendente de aceptación que inclue:
- Tratamento curativo de shock térmico maís tratamento preventivo por aplicación de producto insecticida-funxicida aos mobles.
- Tratamento antixilófagos mediante impregnación de xel insecticida de funxicida na superficie dun carro.
- Tratamento antixilófagos mediante impregnación e inxección a través de válvulas antirretorno de xel insecticida-funxicida autopenetrante, en vigas e pontones que conforman o forxado estructural en todas as estancias pertencentes á fortaleza, incluida a capela. Previamente
a mencionado tratamento realizarase unha labor de limpeza e eliminación da porción de madeira afectada polo ataque de insectos xilófagos en todos aqueles elementos da estructura nos que sexa necesaria esta intervención, e posteriormente estas zonas serán teñidas e
barnizadas na color orixinal
Pazo de Tor
- Restauración dos carruaxes
- Desinfección e tratamento preventivo para os libros da biblioteca.
- Limpeza, enmarcado e restauración de marcos das obras: “A caridade romana”, “Susana e os vellos”, ”As Cabareteiras” e “Dama con neno”.
- Limpeza das pezas de guarnicionería.
Asi mesmo presentouse un proxecto para a a desinsectación integral do edificio e das coleccións que esta pendente de aceptación que inclue:
- Tratamento curativo de shock térmico + tratamiento preventivo por aplicación dun producto insecticida-funxicida aos mobles das diferentes estancias do Pazo.
- Tratamento antixilófagos mediante impregnación e inxección a través de válvulas antirretorno de xel insecticida-funxicida autopenetrante, en vigas e superficies que conforman o forxado estructural en todas aquelas estancias afectadas por ataques de insectos xilófagos. Previamente a dito tratamento farase unha labor de limpeza e eliminación de depósitos de pó nas superficies que o requiran (faiado) cól fin de facilitar a absorción do producto
Insecticida. Tamén nas superficies que o requiran (cuarto de Obispo) acuchillarase o barniz co mesmo fin reporase unha vez rematado o tratamento.
Museo Provincial de Lugo
- Realizouse unha inspección das obras realizadas en madeira policromada, pertencentes á sección de arte relixiosa, para avaliar o seu estado de conservación e maila urxencia relativa de intervención sobre elas. Varias das obras foron incluídas no plan anual para o ano 2012.
- Iniciouse a revisión peza a peza, das obras que se atopan gardadas no almacén de Belas Artes, documentando o estado de conservación actual de cada unha delas, e rexistrando con fotografías e mapas de alteracións as diferentes patoloxías detectadas. Ata o momento, fíxose completo o exame dos peines 1A e 1B, con 28 cadros supervisados e fotografados. Está en proceso a realización dos diagramas de danos e das fichas
correspondentes. Aproveitouse esta exploración para realizar unha limpeza superficial de po e detritus animais,
con aspirador e brocha suave, tanto do anverso coma do reverso dos cadros, para poder controlar no futuro a posible actividade de xilófagos.
- Acometeuse a revisión do estado de conservación das obras expostas no claustro do Museo, completándose a supervisión e fotografado das pandas norte e oeste. Está en proceso a realización os diagramas de danos e mailas fichas correspondentes. Coincidindo con este exame, efectuouse unha limpeza xeral das obras pétreas de arqueoloxía e etnografía.
- Supervisión quincenal das salas para verificar o estado físico de pezas e coleccións para identificar as posibles anomalías (xilófagos, fungos, liques, mofo, etc.) que poñan en risco as coleccións.
- Inspeccións periódicas das obras gardadas nos almacéns.
- Seguimento particularizado dos fondos dos museos nacionais depositados no MPL (Museo
do Prado e Museo Centro de Arte Reina Sofía).
- Resolución de imprevistos en exposicións temporais, exposición permanente ou almacéns,
derivados de accidentes, avarías, problemas de conservación.
- Intervencións sobre pezas que deban ser restauradas antes da súa saída en préstamo.
- Intervencións sobre pezas que pasen a engrosar os fondos, ou cheguen para exposicións temporais, e requerían unha intervención restauradora.
- Intervencións sobre pezas a causa de cambios expositivos.
- Intervencións sobre pezas por causas diversas (efemérides, solicitudes de reprodución…)
- Revisión e estudo das condicións de conservación para proceder ao proxecto de restauración, reenmarcado e nova exposición da obra en papel de Castelao.
- Comezo do proxecto de topografía das coleccións permanentes coa sección de Belas Artes.
- Comezo do proxecto de topografía das zonas de reservas por departamentos.
- Comezo dos traballos de reorganización do almacén de arqueoloxía comenzando pola habilitación e consolidación de estanterías de almacenaxe preexistentes.
- Fomento da formación en materia de conservación e restauración a través da estancia en prácticas de alumnado mediante acordos de colaboración como o realizado coa Escola de Arte do Principado de Asturias (mes de xullo).